يا زمان العجايب

يا زمان العجايب وش بقى ما ظهـر
كلِّ ما قلت هانت جد علمٍ جديـد
إن حكينا ندمنا وإن سكتنا قهـر
بين قلبٍ عطيب وبين خلٍّ عنيـد

لو تفيد المدامع كان أسيِّـل نهـر
مير كثر التوجِّع والدَّمـع ما يفيـد
طاولتني همومي مع طويل السَّهـر
ما تحمَّل ظلوعي لو ظلوعي حديـد

يا غزالٍ فضوح الزَّين عنه أشتهـر
في عيوني ملاك ووسط قلبي وحيد
لو جحدت المحبَّه سقم حالي جهـر
مير ما كل قلبٍ ياصل الَّلي يريـد

أصبر ايَّام وأشهر وآتصبَّـر دهـر
وإن حصل لي مناتي جيت لوني بعيد
أرجي الله وأراقب كل طالع شهر
يجلي الهم عنَّي أو عسـى ما يزيـد

كلمات: خالد الفيصل