يا زارعين العنب مابا تبيعونه
لما يا سهير العين ماتوهد تبيت في تزعالي
انك من التفرقه والبين لك ايام مسهونه
يازارعين العنب مابا تبيعونه
صبر عالصبر ساعه عسى بعد الصبر تشرب من الحالي
والصبر عند العرب طاعه وعقب الصبر مضمونه
يا زارعين العنب مابا تبيعونه
بلانا بهم ربي وولاهم على قلبي وهو والي
مازال في يدهم قلبي يميتونه ويحيونه
يازارعين العنب مابا تبيعونه
وكم نسال البحري اذا نسنس علي جنوبي وشمالي
عسى عسى شي خبر سري يطمن نفس محنونه
يازارعين العنب مابا تبيعونه
كلمات : الشاعر حسين المحضار
الحان : تراث
Pingback: عاد كلا صغير - بدري عليك الهوى - m3br.net