Posted on 2 تعليقان

انا تعبان من نفسي

أنا تعبان من نفسي ولا منك أنا تعبان
أبي أرتاح أبي أفهم وش أسباب التعب فيني
دخيلك بس احضني ولا بحكي عن اللي كان
حنانك لمستك روحك دفاء حضنك يكفيني

تعبت أذوب محتاجك و كلي ينتظر ولهان
تعبت أشكي على نفسي ولا غيرك يهديني
معك نيران تحرقني رغم هذا أنا بردان
و كل ضحكة من عيونك غصب عني تبكيني

أنا تعبان مو قادر تعبت أتنفسك حرمان
أدور أدورك لهفه أضيع و ما ألاقيني
ظميت لكاسك أترجى تخليني بعد ظميان
أبي أظمأ بعد أكثر ابي بإيدك تسقيني

بعذابي و وحدتي ساكت أكسر خاطر الجدران
أناظر وين ما اناظر أشوفك بيني وبيني
أذوب بناري من دونك مثل شمعه تذوب أحزان
مثل ريشه بمهب الريح طلبتك لا تخليني

كلمات: احمد علوي

استمع إلى Apple Podcasts
الإعلانات

2 thoughts on “انا تعبان من نفسي

  1. رابحح القلبب

    1. 👌 👍

Comments are closed.