Posted on

ماعاد بدري

ماعاد بدري

ماعاد بدري قلت لي وش تحرا .. ذابت نجوم اليل من جمرالآهات
ماعاد بدري تدري العمر مرة .. سرقت سنينه مننا كيف لحظات

تقول باكر وانت باكر تبرا .. برا الزمن واقف على مر الأوقات
بتنتهي الدنيا قبل ماتجرا .. لاضاعت الفرصة ترا الموت حسرات

يامن تسخر كل أمري بأمره .. همي وحزني والفرح والمسرات
ماترحم الي وسمت فيه عبرة .. اشتاق حتى صار به منك لمحات

الحب كله لوجمع عشر ذرة .. والي بقلبي لك ملايين ذرات
احساسي لك كوكب تعدا المجرة .. فيه الفضا شيد لنفسه مجرات

كلمات: تركي


استمع إلى Apple Podcasts

الإعلانات
Posted on

تناقض

تناقض

كل هالدنيا تناقض
واللي ما يقدر يناقض
قناعاته وبسياساته

ويله ويل ويله دوم

وغيره..
كلنا أستاذ غيره
كلنا جلاد غيره
وكل (ن) عيوبه.. ماليه جيوبه
قبل تلام الحق لوم

بسيطة..
يعقدوها وهي بسيطة..
قيدوا العفوي بحيطة..
قدروا اقناعه.. زيفوا اقناعه
أصبح مثلهم مسموم

الشاعر تركي


استمع إلى Apple Podcasts