Posted on 2 تعليقان

أجاذبك الهوى

كلمات: خالد الفيصل

وأشوف الودّ فـي عيونك ولكن … يردّ الودّ خوفٍ فيـك منّي
ولا ادري وش يخيفك ياحبيبـي … وأنا بك مغرمٍ جاك متعنّي

ولو إنك تلاحظ شفت عيني … وهي تروي حديث الحب عنّي
تنعّم دام تــوك فـــــي شبابك … ليال العمر ماقــــــط امهلنّي

تعال اسقيك من جدول غرامي … شراب فيه للعاشـــق تهنّي
واهيم بك بسمــــاوات المحـبة … ألين انّك بعـــد مثلي تغنّي

استمع إلى Apple Podcasts

الإعلانات
Posted on 1 Comment

مسكين ياناس

مسكين ياناس من قالوا حبيبه عروس
يمرض مرض قلب اما الموت محد يموت

بالله لاتقبروني في عميق الحود
القبر في صدر خلي والعوالم شهود

ياريح ياريح يلي تعبرين البيوت
قولي لمحبوب قلبي صاحبك شايموت

لايشرب الماء ولا ياكل مع الناس قوت
ماقوته الا زبيبه تعتقه الا يموت

استمع إلى Apple Podcasts

Posted on

تناقض

تناقض

كل هالدنيا تناقض
واللي ما يقدر يناقض
قناعاته وبسياساته

ويله ويل ويله دوم

وغيره..
كلنا أستاذ غيره
كلنا جلاد غيره
وكل (ن) عيوبه.. ماليه جيوبه
قبل تلام الحق لوم

بسيطة..
يعقدوها وهي بسيطة..
قيدوا العفوي بحيطة..
قدروا اقناعه.. زيفوا اقناعه
أصبح مثلهم مسموم

الشاعر تركي


استمع إلى Apple Podcasts

Posted on

اغنية – يا بحر يا موج

يا بحر يا موج يا ذيك المواني … يا نسيم الصبح يانودٍ لفى
يالحن ياحرف ياصدق المعاني … يامشاعر عايشة مر الجفى

كم نظرت الوقت واحسب هالثواني … كم سهرت الليل جفني ماغفى
ما شعرت اني وحيد(ن) في زماني … الا يوم انه تركني واختفى

بوعيون ناعسه سيد الغواني … بو الخدود الناعمات المترفى
ياقمر يالليل ياذيك المباني …. يامطر يابرد ياجمرة دفاى

من رحل عني وانا بهمي اعاني … والحزن ملل فؤادي واكتفى
وروحي ماترضى ابد في الحب ثاني … هو طبيبي وهو علاجي والشفى

الشاعر محمد الفهادي

استمع إلى Apple Podcasts
Posted on

ياعيون النرجسي

ياعيــــون النرجسي .. ســاهري لا تنعـــسي
سـاهري لما الـصباح .. يازيــن طبعك يامليــح

الهاشمي قال مرحبــا .. أهلاً بسلطان الضـبا
أهل الصيانه والوفاء .. يازين طبعك يا مليح

الغيم غيم وانتشر .. من رؤيتك جانا المــطر
متى تجينا ياقمر .. ياسلوة القلب الحزين

أجلس قبــــالي ساعتين .. قصدي اقبل قبلتين
واقطف زهور الوجنتين .. يازين طبعك يا مليح

استمع إلى Apple Podcasts
Posted on

من بعد مزح ولعب

من بعد مزح ولعب … اهو صار حبك صحيح
وأصبحت مغرم عيون … وأمسيت وقلبي طريح ..
وأخجل إذا جات عيني … صدفه في عينك وأصير
مربوك وحاير بأمري … من فرحي أبغى أطير ..

توحشني وأنت بجنبي … وأشتاق إليك لو تغيب
وأحسد عليك حتى نفسي … وأخشى يمسك غريب ..
وأخجل إذا جات عيني … صدفه في عينك وأصير
مربوك وحاير بأمري … من فرحي أبغى أطير ..

وأنا الذي كنت أهرج … والكل حولي سكوت
صرت أتلام وأسكت … وأحسب حساب كل صوت ..
وأخجل إذا جات عيني … صدفه في عينك وأصير
مربوك وحاير بأمري … من فرحي أبغى أطير ..

والله يا أغلى عمري … في عيوني مالك مثيل
تساوي الروح وتغلى … وتكون عنها بديل ..
وأخجل إذا جات عيني … صدفه في عينك وأصير
مربوك وحاير بأمري … من فرحي أبغى أطير ..

استمع إلى Apple Podcasts
Posted on

اليوم يمكن تقولي

اليوم يمكن تقولي يا نفسي أنك سعيدة
تشهد على صدق قولي دقات قلبي الجديدة

تسعة وعشرين عام ضاعت وسط الزحام
ليلي ونهاري وقلبي أصبح يحب الظلام

وأنا في درب الهلاك ظهرت لي ياملاك
غيرت مجرى حياتي شفت السعـادة معاك

مرت علي ظروف الحب فيها تجاري
وكنت أسمع وأشوف وغصب عني أجاري

استمع إلى Apple Podcasts
Posted on

من اولها بدينا عنااااد

من اولها بدينا عناد ,, اجل وشلون تاليها
حبيبي لا تغلى عاد ,, حبيبي تونا فيها

حبيبي تونا بادين ,, وانته بادي مني تمل
اذا اطباعي ماتعجبك ,, انا اشوف لطباعي حل

انا مابي تعاندني ,, ولا ودي تروح بعيد
ابيك بقد ماتقدر ,, تخلي هالمحبه تزيد

انا كل همي يا روحي ,, محبتنا وغلاك يدوم
حبيبي ماحدٍ فينا ,, ترى ناقص جفى وهموم

استمع إلى Apple Podcasts
Posted on

مرت علينا ونظرت العين بالعين

مرت علينا ونظرة العين بالعين
مدري تناظر عيني ولا رفيقي
غطى ذهول العين من نظرة الزين
يا ليت من هو من خياله يفيقي

ناظرت جنبي قلت يا صاحبي وين
قال إلحق اللي في بحرها غريقي
حنا تقاسمنا الشقا بيننا البين
حملتنا يا الزين مالا نطيقي

عز الله إني صرت في موقف ٍ شين
لو اشرب النهرين ما بل ريقي
ماعاد باقي في المدينه عناوين
ضيعت فكري وضاع مني طريقي

اثر المحبه هي واهلها مساكين
حنا ترانا مثلهم يا صديقي
لاعاد تنشد ويننا والهوى وين
معك التحيه يا الغرام الحقيقي

استمع إلى Apple Podcasts

Posted on

اغنية – كنت احبك بس

كنت احبك بس هالحين اكرهك … انتهى حبي وحبك والغرام
جيت راجع بس ودي اقهرك … ما ابي منك سلاااام ولا كلاااام

روح عن دنياي يالله روح روح … وابتعد يكفي عذابي والجروح
كم سهرت من الليالي وكم بكيت … وكنت قلب وكنت حب وكنت روح

يوه لا تطري غلانا كيف كان … وحبك اللي كان في ذاك الزمان
أنا أسف كنت أحبك كنت أبيك … أنا أسف ما لك بقلبي مكان

يوم انا بيدي كتبت اللك البداية … وانت بيدك لي كتبت الي النهاية
صد واهجر وابتعد عني بعيد … ماحصل يكفي عذابك لي كفاية

ما ابي منك اتصال ولا سؤال … لو يطول البعد والا الهجر طال
والله انك لو تغيب ولو تروح … انسى اني بيوم قلت اللك تعال

الشاعر محمد الكرشمي

استمع إلى Apple Podcasts